Владимир Путин таныклык алу өчен белешмәләргә бәйле вазгыятьне тәнкыйтьләде

Президент фикеренчә, белешмә бәясе артык югары.

(Казан, 21 ноябрь, «Татар-информ»). Владимир Путин белешмәләргә бәйле вазгыятьне тәнкыйтьләде. Тиешле кадрлар «Беренче Канал»да чыкты.

«Бездә минималь хезмәт хакы күләме - 11 мең. Әлеге белешмә алу өчен кеше хезмәт хакының яртысын бирергә тиеш буламы? Ниндидер сафсата!» — дип ачулана Россия Президенты.

Кадрларда Владимир Путинның Хөкүмәттәге барлык инстанцияләрнең әлеге боерыкны килештерүе уңаеннан канәгатьсезлек белдерүе күренә.

«Һич югы Хезмәт министрлыгы карарга тиеш иде! Бу нәрсә? Агачтан егылып төштегезме әллә!» — диде Владимир Путин.

  • «Татар-информ» мәгълүмат агентлыгы илдә машина йөртүчеләр өчен медицина белешмәсе 2020 елда кыйммәтләнәчәк, дип хәбәр иткән иде. Тиешле указ имзаланды, әмма яңалык автомобиль хуҗаларында канәгатьсезлек уятты.
  • Россия Сәламәтлек саклау министрлыгы гражданнарның борчылуы аркасында яңа боерык кертүне кичектереп торырга карар итте.