news_header_top_970_100
16+
news_header_bot_970_100

Баулыда үз фатирында газ баллоны шартлау нәтиҗәсендә ир-ат зыян күрә

Фаҗиганең сәбәпләре ачыклана.

Баулыда үз фатирында газ баллоны шартлау нәтиҗәсендә ир-ат зыян күрә

(Казан, 21 октябрь, «Татар-информ»). Баулыда үз фатирында газ баллоны шартлау нәтиҗәсендә ир-ат зыян күрә. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә сөйләделәр.

Бүген 112 ашыгыч хезмәтләрне бердәм чакыру номерына Һади Такташ урамы буенча 10нчы номерлы йортның өченче катында газ баллоны шартлавы турында хәбәр килде.

Шартлау аркасында фатирара бүлгечләр җимерелгән.

37 яшьлек ир-ат җәрәхәтләнгән. Ашыгыч ярдәм медиклары ярдәм иткәннән соң ир-ат өенә озатылды.

autoscroll_news_right_240_400_1
autoscroll_news_right_240_400_2
news_bot_970_100