Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Бөгелмәдә яшәүче ир-атның алимент буенча 600 мең сумга якын бурычы җыелган
Суд аңа 5 ай төзәтү эшләре рәвешендә җәза билгеләде, хезмәт хакының биш процентын дәүләт файдасына тотып калыначак.
(Бөгелмә, 20 октябрь, «Татар-информ», «Бөгелмә авазы»). Бөгелмәдә яшәүче әти кешенең алимент буенча 600 мең сумга якын бурычы бар. Суд 32 яшьлек ир-атны алимент түләмәүдә гаепле дип тапкан. Бу турыда район басмасы хәбәр итә.
2014 елның 4 сентябреннән хөкем ителүче балигъ булмаган баланы карап тоту өчен ай саен хезмәт хакының яки башка кеременең дүрттән бер өлеше күләмендә акча түләргә тиеш була. Әмма хөкем ителүче алимент түләүдән баш тарта, балага матди ярдәм күрсәтми, эшкә урнашмый.
Алиментлар буенча гомуми бурычы 594 мең сумнан артып киткән. Хөкем ителүче үз гаебен тулысынча таныган һәм үкенүен белдергән. Суд аңа 5 ай төзәтү эшләре рәвешендә җәза билгеләде, хезмәт хакының биш процентын дәүләт файдасына тотып калыначак. Хөкем карары законлы көченә кермәгән.
Кызыклы яңалыкларны күзәтеп бару өчен Телеграм-каналга язылыгыз