Татарстанда юл кырыена төшеп капланган йөк машинасын йөртүче һәлак булган

Фура баганага бәрелгән һәм капланган.

(Казан, 20 апрель, "Татар-информ"). Татарстанда юл кырыена төшеп киткән йөк машинасын йөртүче һәлак булган. Социаль челтәрләрдә Чистай районында юл кырыенда яткан "МАН" фотолары чыкты.

Шаһитләр машина йөртүченең һәлак булуын хәбәр итте.

Әлегә ачыкланмаган сәбәпләр буенча, 36 яшьлек йөртүче машинасын юл кырыена төшеп китүдән саклап кала алмаган. Фура баганага бәрелгән һәм капланган.