VI сыйныф укучысы Пермь краендагы бер мәктәптә утлы коралдан аткан

Беркем дә зыян күрмәгән.

(Казан, 18 октябрь, «Татар-информ», Павел Климчак). Пермь краеның Сарс бистәсендә урнашкан мәктәптә бер укучы атыш оештырган. Бу хакта ТАСС агентлыгы чыганакка сылтама белән хәбәр итә. Ул бер тапкыр түшәмгә атарга өлгергән.

РИА Новости агентлыгы хәбәр иткәнчә, аның VI сыйныф укучысы булуы ачыкланган. Мәктәп директоры аның коралын алган, шуннан соң малайны тоткарлаганнар. Беркем дә зыян күрмәгән.