Мәскәүдә туристлар утырган автобус белән авария булган

Автобус яктырткыч фонарь баганасына бәрелгән.

(Казан, 18 август, "Татар-информ"). Мәскәүнең Перово районында туристлар утырган автобус яктырткыч фонарь баганасына бәрелгән. Авариядә унбиш кеше имгәнгән. Бу турыда РИА Новости хәбәр итте.

Агентлыкның экстрен хезмәтләрдәге чыганагы сүзләренчә, авария Энтузиастлар шоссесында 60нчы номерлы йорт янында булган.

"Автобуста Кытайдан килгән 32 кеше булган, аларның унбише җиңелчә имгәнгән", диелә бу хәбәрдә.

Фаҗиганең сәбәпләре ачыклана.