Казанда бер егетне юл аркылы йөгереп чыккан вакытта машина бәрдереп киткән

Юл һәлакәте кичә иртән Чистай урамында булган.
(Казан, 18 июль, «Татар-информ»). Казанда бер егетне юл аркылы йөгереп чыккан вакытта машина бәрдереп киткән. Бу хакта «Татар-информ» агентлыгына шәһәр Дәүләт атвоинспекциясеннән хәбәр иттеләр.«Кичә иртән «Опель» автомобилен идарә итүче 30 яшьлек ир-ат Чистай урамындагы 19нчы йорт каршында, башлангыч мәгълүматларга караганда, светофорның яшел утына уңга борылган вакытта юл бирмәгән һәм җәяүлеләр кичүеннән читтә юл аркылы йөгереп чыгарга уйлаган 24 яшьлек егетне таптаткан», - дип искәрттеләр ЮХИДИ идарәсендә.Нәтиҗәдә, җәяүле күпсанлы тән җәрәхәтләре алган.