Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Тукай районы авылында терлекләр котыру авыруы буенча карантин кертелде
Чикләүләр хайваннар авыруының соңгы очрагыннан ике ай узгач гамәлдән чыгарылачак.
(Казан, 18 гыйнвар, «Татар-информ»). Тукай районы торак пунктларының берсендә терлекләр котыру авыруы буенча карантин кертелде. Тиешле указга Татарстан Президенты Рөстәм Миңнеханов кул куйды.
«Татарстанда Тукай районының Яңа Сарайлы авылы территориясендә терлекләр котыру авырулы булганга, карантин урнаштырырга», — диелә хокукый мәгълүмат порталында бастырылган документта.
Карантинны хайваннар авыруының соңгы очрагыннан ике ай үткәннән соң гамәлдән чыгарачаклар. Күрсәтелгән территориядә чикләү режимы вакытында йорт хайваннары белән сәүдә итәргә яки аларны алып чыгарга, алып чыгу өчен кыргый хайваннарны ауларга ярамый. Шулай ук авыру хайваннарны ит өчен сую, аларның сөтен куллану, сәламәт хайваннарның сөтен пастеризация үткәрмичә сату һәм куллану, сәламәт хайваннарның тиреләрен һәм йонын дезинфекциясез алып чыгу тыела.
Элек чикләүләр Биектау авылының аерым территориясендә һәм Биектау тимер юл станциясе бистәсе территориясендә кертелгән иде.
Кызыклы яңалыкларны күзәтеп бару өчен Телеграм-каналга язылыгыз