Казанда янгын урынында мәет табылган

Ике бүлмәле фатирда янгын сүндерелгәннән соң мәет табылган.

(Казан, 17 ноябрь, «Татар-информ»). Бүген бердәм 112 номеры диспетчерлык хезмәтенә 17 сәгать 17минутта Казанда Лаврентьев урамындагы 20нче йортның ике бүлмәле фатирында янгын чыгуы турында җиткерделәр, дип хәбәр итә Россия Гадәттән тыш хәлләр министрлыгының Татарстан буенча Баш идарәсе матбугат хезмәте.

Янгын 17 сәгать 32 минутта бастырылган, янгын сүндерүчеләр фатирда кеше мәетен тапканнар.