Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Башкортстанда ефәк күбәләгенә каршы эшкәрткәндә зыян күргән умартачыларга ярдәм була
Алты муниципаль районда 2562 бал корты күчесе өлешчә зыян күргән һәм 32 оя бал корты үлгән.
(Казан, 17 июнь, «Татар-информ»). Башкортстанда урманнарны ефәк күбәләгенә каршы эшкәрткәндә зыян күргән умартачыларга ярдәм күрсәтәчәкләр. Аларга яңа бал кортлары күче сатып алу өчен акча бүлеп бирәчәкләр. Бу хакта «Инстаграм»дагы үз битендә Башкортстан башлыгы хакимияте җитәкчесе Александр Сидякин хәбәр итте.
«Бу фотоны мин Баймак, Зилаир, Зианчура, Күгәрчен районнары умартачыларыннан алдым. Безнең бал республикасы өчен куркыныч күренеш. Фермерлар ярдәм сорый. Беренче исәпләүләр буенча, 2 меңнән артык бал корты күче зыян күрде. Моңа урманнарны ефәк күбәләгенә каршы эшкәртү сәбәп булган», — дип язган ул.
«Умартачыларның турыдан-туры зыяннарын санау схемасын төзибез, гадәттән тыш хәлләр килеп чыккан очракта чыгымнарны тиз компенсацияләү өчен фермерларга эш итү белешмәсен әзерлибез. Һәм умартачыларга хәбәр итү системасын үзгәртәбез», — дигән Александр Сидякин.
Зыян күргән районнарга ведомствоара төркем вәкилләре барды. Ул зыян күргән умарталыкларда бал кортлары үлеме белән бәйле хәлнең сәбәпләрен ачыклый. Оператив мәгълүматлар буенча, 2021 елның 15 июненә Зианчура, Зилаир, Күгәрчен, Куергазы, Мәләвез һәм Хәйбулла муниципаль районнарында 2562 бал корты күчесе өлешчә зыян күргән һәм 32 оя бал корты үлгән.
Кызыклы яңалыкларны күзәтеп бару өчен Телеграм-каналга язылыгыз