Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Район җитәкчеләрен һава торышы бозылуга әзерлекле булырга чакырдылар
Көчле җил һәм буран аркасында Татарстанда шторм кисәтүе игълан ителде.
(Казан, 17 февраль, «Татар-информ», Полина Шевчук). Татарстан Гадәттән тыш хәлләр министрлыгы башлыгы Рафис Хәбибуллин район җитәкчеләрен һава торышы бозылганда әзер булырга чакырды. Бу хакта «Татар-информ»га ТР буенча Россия Гадәттән тыш хәлләр министрлыгының Баш идарәсе матбугат хезмәтендә сөйләделәр.
Ведомство башлыгы, һава торышы начарайган очракта, электр линияләре өзелү, реклама элмә такталары, билбордлар, шулай ук биналарның түбәләре төшү куркынычы арта, дип искәртте. Моннан тыш, сулыкларда һәм юл-транспорт һәлакәтләре саны арта.
Шуңа бәйле рәвештә Рафис Хәбибуллин гадәттән тыш хәлләр турында локаль хәбәр итү системаларының һәм дежур диспетчерлык хезмәтләре элемтә системаларының әзерлеген тикшерергә кушты. Шулай ук «югары әзерлек» режимын кертү тәкъдим ителә. Һава торышы фаразлары турындагы мәгълүматны зур предприятие җитәкчеләренә (бигрәк тә биеклектәге эшләр белән бәйле) җиткерүгә аерым игътибар бирергә кирәк.
Шулай ук Гадәттән тыш хәлләр министрлыгы башлыгы фаразланган мәгълүматны балалар күп була торган учреждениеләр җитәкчеләренә җиткерүне сорый.
Элегрәк «Татар-информ» Татарстанда буран һәм көчле җил аркасында шторм кисәтүе игълан ителгәнлеген хәбәр иткән иде.
Кызыклы яңалыкларны күзәтеп бару өчен Телеграм-каналга язылыгыз