Казанда «Ауди» автомобиле зур тизлектә бетон киртәгә килеп бәрелгән, ике кеше үлгән
Юл һәлакәте кичә «Җиңү проспекты» метро станциясе янында булган.
(Казан, 17 февраль, «Татар-информ», Полина Шевчук). Казанда «Ауди» автомобиле зур тизлектә бетон киртәгә килеп бәрелгән, ике кешенең гомере өзелгән. Социаль челтәрләрдән файдаланучылар интернетта әлеге авариянең видеосын урнаштырган.
Кадрлардан күренгәнчә, юлның сул ягыннан зур тизлектә кара төстәге чит ил автомобиле «очып» уза һәм идарәсен югалтып, бетон киртәгә килеп бәрелә. Шуннан соң машинаны юлның икенче ягына алып ташлый.
Әлеге аварияне күргән кешеләр шунда ук «Ауди» автомобиленең шоферы һәм пассажирларына ярдәмгә ашыга.
«Татар-информ» агентлыгы кичә Казанның Җиңү проспектында «Ауди» автомобиленең зур тизлектә бетон киртәгә килеп бәрелүе хакында хәбәр иткән иде инде. Нәтиҗәдә, ике кешенең гомере өзелгән.