Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россия сыйфат системасында банкоматлар аша караклык турында сөйләделәр
Банкоматлардан файдаланучыларга экспертлар акча алганда сак, игътибарлы булырга киңәш итә.
(Казан, 17 гыйнвар, «Татар-информ»). Россия сыйфат системасы оешмасында (Роскачество) банкоматлардан файдаланганда мошенниклар корбаны булмас өчен нишләргә кирәклеге турында сөйләделәр. Бу хакта РИА Новости хәбәр итә.
Банкоматлардан файдаланучыларга экспертлар акча алганда сак, игътибарлы булырга киңәш итә. Куркыныч тудыручы скриммерлар – картаны укучы, ПИН – кодларны истә калдыручы клавиатуралар һәм яшерен камералар урнаштырылырга мөмкин, дип белдерә экспертлар. Бу очракта банк клиентларына банкоматка чит җайланмаларның урнаштырылмавын игътибар белән тикшерергә кирәк.
Шул ук вакытта белгечләр социаль инженерия ысулларын кулланучы мошенникларның күбәюен күрсәтә. Әйтик, җинаятьчеләр картаны еш кына «оныта» һәм аны банкоматтан алган кешене аның счетыннан акча урлауда гаепли. Мошенникларны полиция чакыртып, куркытырга мөмкин.
Мошенниклыкның башка киң таралган ысулы булып, янәсе, «банк» куркынычсызлык хезмәтеннән, шалтыратулар һәм хәбәрләр тора. «Куркынычсызлыкны арттыру өчен» клиентка банкоматка килергә һәм парольне алыштырырга кирәк диелә. Нәтиҗәдә, банк картасы чит телефон номерына бәйләнә, бу җинаятьчеләргә акчаны алырга мөмкинлек бирә.
Роскачествоның цифрлы экспертиза үзәге банк эчендә урнаштырылган банкоматлардан файдаланырга киңәш итә, чөнки җинаятьчеләр анда хезмәткәрләр күзенә чалынырга теләми.
Шулай ук үткәрелә торган транзакцияләр турында смс-хәбәрне тоташтыру һәм сумманы алуга чикләүләр кую мөһим. Бу гамәлләр зур суммада акча югалтырга юл куймаячак, хәтта караклык эшләре башкарылса да.
Кызыклы яңалыкларны күзәтеп бару өчен Телеграм-каналга язылыгыз