Кеше үтерүдә гаепләнүче Әлмәт сукбае сак астына алынган

Ул дустын кыйнаган булган

 (Казан, 16 сентябрь, “Татар-информ”). Кеше үтергәне өчен Әлмәт сукбае сак астына алынган.

8 сентябрьдә гаепләнүче дустын кыйнаган, тегесе тән җәрәхәтләреннән үлгән. Полиция хезмәткәрләре икенче көнне үк сукбайны кулга алган. Гаепләнүченең даими яшәү урыны булмаса да, тикшерүче аны сак астына алырга кирәк дип тапкан, дип хәбәр итә “Әлмәт таңнары” газетасы.