Түбән Камада «Нива» белән бәрелешкән «Лада» машинасы пассажиры хастаханәгә эләккән

Авария Менделеев урамындагы «Панорама» сәүдә үзәге янында булган.

(Казан, 16 февраль, «Татар-информ», Алексей Новиков). Түбән Камада «Нива» белән бәрелешкәннән соң «Лада» машинасы пассажиры хастаханәгә эләккән. Бу хакта авария шаһитлары хәбәр итте.

Кичә көндез Шинниклар һәм Менделеев урамнары киселешендә «Нива» машинасы «Лада» белән бәрелешкән.

Авариядән соң «Лада» пассажирын төрле җәрәхәтләр белән медицина учреждениесенә китергәннәр.