Казанда автобус йөртүчене телефоннан сөйләшкән өчен җавапка тартканнар

Автобус йөртүченең кем булуын ачыклаганнар.

(Казан, 16 гыйнвар, «Татар-информ», Полина Шевчук). Казанда автобус йөртүчене тәмәке тарткан һәм телефоннан сөйләшкән өчен җавапка тартканнар. Бу хакта Татарстанның Автотранспорт предприятиеләре ассоциациясе рәисе Сергей Темляков сөйләде.

Ассоциациягә 89нчы автобус пассажиры мөрәҗәгать иткән. Ул автобус хәрәкәт иткәндә йөртүченең тәмәке тартуын һәм телефоннан сөйләшүен әйткән.

Темляков сөйләвенчә, автобус йөртүченең кем булуын ачыклаганнар. Предприятие җитәкчелеге аңа шелтә белдергән. «Әгәр бу хәл тагын кабатланса, йөртүче премиясез калачак», — диде Темляков.

Ассоциациядә мондый хәлләрне ачыкларга ярдәм иткән пассажирларга рәхмәт әйттеләр.