Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда көнкүреш техникасыннан чыккан янгында өлкән яшьтәге хатынның гомере өзелгән
Янгын сүндерүчеләр фатирда яшәүче хатын-кызның туганын коткарырга өлгергән.
(Казан, 15 декабрь,”Татар-информ"). Казанда Ямашев проспектындагы йорт фатирларының берсендә янгын чыккан. Анда өлкән яшьтәге хатын-кыз һәлак булган. Бу хакта “Татар-информ” мәгълүмат агентлыгына Татарстан буенча Россия Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр.
Ямашев проспектындагы 87нче йортта янгын хәбәре ашыгыч хезмәтләрне бердәм чакыру 112 номерына кичә 20.04 сәгатьтә алынган. Казан янгын сүндерү һәм коткару гарнизоны хезмәткәрләре икенче категория буенча урынга чыккан.
Җиденче каттагы бер фатирның йокы бүлмәсендә көнкүреш техникасы һәм әйберләр янган. Янгын мәйданы өч квадрат метр тәшкил иткән.
Янгын сүндерүчеләр өлкән яшьтәге хатынның мәетен таба, аш бүлмәсендә аның исән булган туганы табыла. Хатын-кызны табибларга тапшыралар.
20.32 сәгатьтә янгын сүндерелгән.
Кызыклы яңалыкларны күзәтеп бару өчен Телеграм-каналга язылыгыз