Хәвеф-хәтәр 15 июнь 2021 16:02

Казанда таксистның пистолеттан ату нечкәлекләре билгеле булды

Хокук сакчылары такси пассажирларын тоткарлаган, йөртүчене эзлиләр.

Скопировать ссылку

(Казан, 15 июнь, «Татар-информ», Павел Климчак). Казанның Сахаров урамында 11.20 сәгатьтә атыш турында полициягә шаһит хәбәр иткән.

Ачыкланганча, таксист белән ике пассажир ир-ат арасында низаг чыккан. Нәтиҗәдә йөртүче ике тапкыр һавага аткан да китеп барган. Бу турыда Татарстан буенча Эчке эшләр министрлыгының матбугат хезмәтендә хәбәр ителә.

Хокук сакчылары такси пассажирларын тоткарлаган, йөртүчене эзлиләр.

«Татар-информ» агентлыгы хәбәр иткәнчә, Казанда таксист пассажирлар белән талашкан һәм пистолеттан аткан. Якынча мәгълүматлар буенча, йөртүче пневматик пистолеттан аткан. Пассажирлар зыян күрмәгән.

Сәхифәләр

Казанда таксистның пистолеттан ату нечкәлекләре билгеле булды