Татарстанда бакча йортында янгында өлкән яшьтәге хуҗа үлгән
Янгын мичтән файдалану кагыйдәләрен бозу сәбәпле чыккан дип фаразлана.
(Казан, 14 гыйнвар, «Татар-информ», Полина Шевчук). Татарстанда бакча йортында янгын чыгу нәтиҗәсендә өлкән яшьтәге хуҗаның гомере өзелгән. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.
Кичә 20.18 сәгатьтә 101 янгын сагы номерына Биектау районының Ивановка авылында — «Казанка» бакчачылык җәмгыятендә зур булмаган бакча йортында янгын чыгуы хакында хәбәр килгән.
Чакыру буенча килгән ут белән көрәшүчеләр кичке унынчы яртыда янгынны сүндергән. Нәтиҗәдә, янгын бакча йортын һәм каралтыларны юк иткән. Аның мәйданы 51 квадрат метр тәшкил иткән.
Кисәүләрне аралаган вакытта, янгын сүндерүчеләр 74 яшьлек ир-ат — дача хуҗасының мәетен табып алган.
Янгын мичтән файдалану кагыйдәләрен бозу нәтиҗәсендә чыккан дип фаразлана.