Яшел Үзәндә 13 яшьлек кыз үз-үзенә кул салган

Кызны Карл Маркс урамында ташландык биналар янында табып алганнар.

(Казан, 13 октябрь, «Татар-информ»). Яшел Үзәндә 13 яшьлек кыз үз-үзенә кул салган. Бу хакта ТР прокурорының өлкән ярдәмчесе Руслан Галиев хәбәр итте.

Кызны Карл Маркс урамында ташландык биналар янында табып алганнар.

Яшүсмерне район үзәк хастаханәсенә алып китәләр, әмма берни белән дә ярдәм итә алмыйлар — кыз вафат була.

Вакыйга урынына Яшел Үзән прокуроры урынбасары Фәргать Шәйхаттаров чыкты. Гадәттән тыш хәлнең шартлары ачыклана.