Казанда 84 яшьлек хатын-кыз автобус бәрү аркасында һәлак булган

Фаҗига Декабристлар урамының 112 нче йорты каршында килеп чыккан.

(Казань, 13 октября, «Татар-информ»). Казанда 84 яшьлек хатын-кыз пассажир автобусы бәрү аркасында һәлак була. Бу хакта Россия Эчке эшләр министрлыгының Казан буенча ЮХИДИ идарәсе хәбәр итә.

Алдагы көнне иртән 46 яшьлек 35 нче автобус йөртүчесе Декабристлар урамының 112 нче йорты каршында тиешсез урыннан юлны чыгучы пенсионерны бәрдергән.

Юл-транспорт һәлакәте аркасында хатын-кыз ашыгыч ярдәм машинасында һәлак булган.