Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Сургутта Казан мәктәбендәге атыш вакытында һәлак булучыларны искә алдылар
Кешеләр кайгы почмагына чәчәкләр, тәм-томнар һәм уенчыклар алып килде, шәмнәр кабызды.
(Казан, 13 май, «Татар-информ»). Кичә, 12 майда, Сургут шәһәре татарлары Милли-мәдәни автономиясе янында, Казанның 175нче гимназиясендәге атыш вакытында һәлак булучыларны искә алып, хәтер акциясе узды. Бу хакта Бөтендөнья татар конгрессының матбугат хезмәте хәбәр итә.
Кешеләр кайгы почмагына чәчәкләр, тәм-томнар һәм уенчыклар алып килде, шәмнәр кабызды. Көндез биредә шәһәр хакимияте вәкилләре, волонтерлар да булды.
Һәлак булучыларның туганнары һәм якыннары белән бергә социаль челтәрләрдән файдаланучылар да кайгыра, алар #казаньмыстобой хэштегы белән теләктәшлек сүзләре яза.
Шунысын да искәртик: соңгы мәгълүматлар буенча, 175нче гимназиядәге атыш вакытында 9 кеше (шуларның җидесе – бала, икесе – укытучы) һәлак булды, 20 кеше хастаханәдә ята. Аларның яртысы – авыр хәлдә һәм исән калу өчен көрәшә.
Кызыклы яңалыкларны күзәтеп бару өчен Телеграм-каналга язылыгыз