Казанда 211 пассажирлы самолетның, буксирга алганда, шассие зыян күргән

“Атлас-Глобал” авиакомпаниясе самолеты Казаннан Анталиягә очарга тиеш булган.

(Казан, 12 июль, "Татар-информ"). Татарстан башкаласында Казан – Анталия пассажир рейсы аэробусының буксирга алган вакытта шассие зыян күргән. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

Бүген бердәм 112 номеры экстрен диспетчерлык хезмәтенә шундый хәбәр алынган. Ачыкланганча, “Атлас-Глобал” авиакомпаниясенең Аэробус-321 экипажы хата ясаган, нәтиҗәдә шассиның алгы өлеше заян күргән.

Барлык 211 пассажир исән-имин яңадан көтү залына озатылган. Авиакомпания тарафыннан пассажирларны якын арада билгеләнгән пунктка озату чаралары күрелә.