Әлмәттә янгында бер пенсионерны һәм ике кызны коткарганнар
61 яшьлек хатын-кыз һәм 11 яшьлек укучы кыз төтен белән агуланган, аларны ашыгыч ярдәм табиблары караган.
(Казан, 12 март, «Татар-информ», Полина Шевчук). Әлмәттә янгын вакытында төтен белән тулган подъездан бер хатынны һәм ике кызны коткарганнар. Бу хакта Россия буенча Татарстан Гадәттән тыш хәлләр министрлыгы идарәсенең матбугат хезмәтендә сөйләделәр.
Кичә, 11:20 сәгатьтә экстрен хезмәтләр чакыру өчен 112 бердәм номерына Төзүчеләр проспектындагы 21 нче йортның дүртенче катында электр щитына ут кабу турында хәбәр итәләр. Шуның аркасында подъезд төтен белән тула.
Чакыру буенча килгән янгын сүндерүчеләр коткару битлекләре ярдәмендә йорттан 61 яшьлек хатынны һәм 11 яшьлек ике кызны алып чыккан. Пенсионер һәм укучыларның берсе төтен белән агуланган, аларны ашыгыч ярдәм табиблары караган. Хатын-кыз һәм укучы бала хастаханәгә ятудан баш тарткан.
Янгын мәйданы 1 квадрат метрны тәшкил иткән. Беренчел мәгълүматлар буенча, янгын электр җиһазларын куллану һәм урнаштыру кагыйдәләрен бозу аркасында килеп чыккан.