Түбән Камада лицей директоры Руслан Садыйков 35 яшендә вафат булган

Мәрхүмне бүген Балтач районында җирлиләр.

(Казан, 11 май, «Татар-информ»). Түбән Каманың 24 нче лицее директоры Руслан Садыйков 35 яшендә вафат булды.

Ул берничә тапкыр инсульт кичергән булган. Бу турыда лицейның инстаграмдагы сәхифәсендә хәбәр ителә.

Руслан Садыйков шушы лицейны тәмамлаган, аннары 2018 елда директор итеп билгеләнгән.

Мәрхүмне бүген, 11 майда, Балтач районының Пүскән авылында җирлиләр.