Лилия Галимова: 175 нче мәктәпкә һөҗүм иткән кеше үзе генә булган

Җинаятьченең ярдәмчеләре булмаган.

(Казан, 11 май, «Татар-информ»). Казанның 175 нче мәктәбендә атыш оештырган кеше үзе генә булган.

Бу хакта «Татар-информ»га республика Президентының матбугат хезмәте җитәкчесе Лилия Галимова хәбәр итте.

«Җинаятьче үзе генә эш иткән, аның ярдәмчеләре булмаган», — диде агентлык әңгәмәдәше.

Соңгы мәгълүматлар буенча, Казанның 175 нче гимназиясендәге атышта сигез кеше һәлак булды, 21 кешене хастаханәгә алып киттеләр.