Бетонболгаткыч йөртүче һәлак булган транспорт фаҗигасе шаһитларын эзлиләр

3 октябрьдә Химическая урамындагы 21 йорт каршында бетонболгаткыч йөк прицепына килеп бәрелгән.

(Казан, 10 октябрь, "Татар-информ"). Казан ЮХИДИ идарәсе 3 октябрьдә Химическая урамында 21 йорт каршында килеп чыккан юл-транспорт фаҗигасе шаһитларын эзли. Бу хакта Россия Эчке эшләр министрлыгының Казан буенча ЮХИДИ идарәсе бүлеге матбугат хезмәте хәбәр итте.

Биредә бетонболгаткыч йөк прицепына килеп бәрелгән, йөртүче һәлак булган.

Искәртеп үтик, алдан “Татар-информ” Казанның Мәскәү районында автобетонболгаткычның йөк прицепына барып бәрелүен, йөртүчесенең үлүен хәбәр иткән иде.

Әлеге юл-транспорт фаҗигасе шаһитлары булса, 5-333-847 телефоны белән мөрәҗәгать итүләре сорала.