Түбән Кама районында 16 яшьлек яшүсмер батып үлгән

Фаҗига узган төндә "Индустрия" бакчачылык ширкәте янындагы күл буенда була.

(Казан, 10 май, "Татар-информ"). Түбән Кама шәһәре янында күлдә балык тотканда 16 яшьлек яшүсмер батып үлгән. Бу турыда "Татар-информ" агентлыгына Гадәттән тыш хәлләр министрлыгында хәбәр иттеләр.

"Кичә 23.30 сәгатьтә "Индустрия" бакчачылык ширкәте янындагы күл буенда 16 яшьлек бала мәете табылды. Аны хокук саклаучылар тапты һәм туганнарына тапшырды", - дип сөйләделәр министрлыкта.

Яшүсмернең балыкка дип китеп баруы һәм әйләнеп кайтмавы билгеле. Фаҗиганең сәбәпләре ачыклана.