Ижевскида тугыз катлы йорт ишелгән: һәлак булучылар бар (видео)

Шаһитлар йортта шартлау булуы хакында хәбәр итә.

(Казан, 9 ноябрь, "Татар-информ"). Ижевскида тугыз катлы йортның бер өлеше җимерелеп төшкән. Хәзерге вакытта ике кешенең һәлак булуы, өч кешенең тән җәрәхәтләре алуы мәгълүм. Бу хакта "Интерфакс" агентлыгы хәбәр итә.

Хәзерге вакытта фаҗига булган урында коткаручылар эшли. Ren TV каналы, гадәттән тыш хәлләр һәм гражданнар оборонасы министрлыгы мәгълүматларына таянып, һәлак булган бер кешене җимерекләр астыннан табып алулары турында хәбәр итте.

Башлангыч фаразлар буенча, шартлауның сәбәбе газ булырга мөмкин.