Россиядә ике елда физкультура дәресе вакытында 211 мәктәп укучысы вафат булган

Министр мәктәп укучылары өчен олимпиада уздырудагы мәсьәләләргә дә тукталган.

(Казан, 9 октябрь, «Татар-информ»). Россия мәгариф һәм фән министры Ольга Васильева белдерүенчә, 2016–2017 елларда физкультура дәресе вакытында 211 мәктәп укучысы вафат булган, дип яза «Известия».

Әлеге санны Ольга Васильева Фән, мәгариф һәм мәдәният буенча Федерация Советы комитеты утырышында әйткән. Министр шулай ук мәктәп укучылары өчен олимпиада уздырудагы мәсьәләләргә дә тукталган. «Олимпиада хәрәкәтендә барысы да яхшы түгел», — дигән Васильева, ришвәт ягын күздә тотып.