Казанда «Лада» автомобиле 10 яшьлек баланы бәрдергән

Нәтиҗәдә, малай аягын имгәткән.

(Казан, 9 июнь, «Татар-информ»). Казанда «Лада» автомобилен идарә иткән хатын-кыз 10 яшьлек баланы бәрдергән. Бу хакта шәһәр Дәүләт автоинспекциясеннән хәбәр иттеләр.

Кичә кичке алтылар тирәсендә Ибраһимов проспектындагы ишегалларының берсендә җиңел автомобиль 10 яшьлек малайны таптаткан.

9нчы модельле «Лада» автомобилен идарә иткән кыз тизлекне чамалап бетермәгән һәм балага килеп бәрелгән дип фаразлана. Нәтиҗәдә, малай аягын имгәткән.