Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Камада өендә антисептик ясап саткан ир-атны тоткарлаганнар
28 яшьлек ир-ат үзе ясаган антисептикның бер шешәсен 100 сумга саткан.
(Казан, 9 апрель, «Татар-информ», Наталия Никифорова). Түбән Камада яшәүче бер кешене өендә антисептик ясаган һәм аны социаль челтәрдә саткан өчен тоткарлаганнар. Бу хакта «Татар-информ»га коронавируска каршы көрәш буенча оператив штабта хәбәр иттеләр.
Түбән Кама районы буенча икътисади куркынычсызлык һәм коррупциягә каршы көрәш бүлеге хезмәткәрләре ачыклаганча, Түбән Камада яшәүче кеше фатирда антисептик җитештерүне көйләгән.
Ул глицерин һәм водород эретмәсе белән этил спиртын бутаган, ә алынган эремәне 30 мл сыешлы флаконнарга агызган һәм интернетта бер данәсен 100әр сумнан саткан. Моның өчен аның бернинди рөхсәт документлары да булмаган.
Россия Эчке эшләр министрлыгының Түбән Кама районы идарәсенең икътисади җинаятьләргә каршы көрәш бүлеге һәм полиция хезмәткәрләре «эшмәкәр»не тоткарлаган һәм аннан кулдан ясалган антисептиклы 270 флакон алынган. Чимал да: 22 флакон этил спирты, ике флакон водород эретмәсе, сигез флакон глицерин, 20 литр спиртлы сыекча конфискацияләнгән. Алынган продукциянең гомуми суммасы 27 мең сум тәшкил иткән.
Бөтен продукцияне экспертизага җибәргәннәр, аның нәтиҗәләре буенча җинаять эше кузгату турында карар кабул ителәчәк.
Кызыклы яңалыкларны күзәтеп бару өчен Телеграм-каналга язылыгыз