Төнлә Әлмәттә чит ил машинасы барган уңайга яна башлаган һәм баганага килеп бәрелгән

Автомобильгә иртәнге дүртенчедә Шевченко һәм Мәрҗани урамнары чатында ут капкан.

(Казан, 8 сентябрь, «Татар-информ»). Төнлә Әлмәттә чит ил автомобиле барган уңайга яна башлаган һәм баганага килеп бәрелгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

Машинага иртәнге дүртенчедә Шевченко һәм Мәрҗани урамнары чатында ут капкан. Янгын сүндерүчеләргә 01 телефоны аша шул хакта хәбәр килгән.

«Форд Мондео» автомобиленә механизм һәм узел системалары төзек булмау сәбәпле ут капкан. Машинаның 33 яшьлек йөртүчесе зыян күрмәгән.