Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Көймәнең моторы сүнү сәбәпле, төнлә Кама уртасында калган яшүсмерләрне коткарганнар
Балаларны ярга чыгарганнар һәм полиция хезмәткәрләренә тапшырганнар.
(Казан, 8 август, «Татар-информ», Полина Шевчук). Татарстанда төнлә көймәнең моторы сүнү сәбәпле, Кама елгасында калган яшүсмерләрне коткарганнар. Бу хакта «Татар-информ»га Татарстан республикасы буенча Россия гадәттән тыш хәлләр министрлыгы баш идарәсенең матбугат хезмәте хәбәр итә.
Бүген иртәнге сәгать дүрттә ашыгыч ярдәм хезмәтен чакыруның бердәм номерына республиканың Лаеш районында Камада калган ике яшүсмергә ярдәм кирәклеге турында хәбәр килгән. Көймәнең бензины беткән һәм мотор сүнгән, ә ишкәкләр сынган булган.
Яшүсмерләрне 3нче номерлы зона эзләү-коткару отряды коткаручылары иртәнге сәгать җидедә ярдан бер километр ярым ераклыкта эзләп тапкан. Көймәне ярга чыгарганнар. Яшүсмерләргә медицина ярдәме кирәк булмаган. Аларның төнлә елга уртасына ничек эләгүләрен полиция хезмәткәрләре тикшерәчәк.
Кызыклы яңалыкларны күзәтеп бару өчен Телеграм-каналга язылыгыз