Исерек ана кызын бик каты кыйнаган

Зәй районында шундый хәл

 (Казан, 8 июль, “Татар-информ"). Биш бала анасы, 34 яшьлек хатын аек булмаган хәлдә 10 яшьлек үсмер кызын каты кыйнаган.

Тикшерүчеләр версиясе буенча, ул аны гел кыйный торган булган. Апрельдә генә дә башына, аякларына суккан. Бу хәл Зәй районының Әлмәт авылында булган.

Күп балалы ана гаебен өлешчә генә таныган. Аңа карата җинаять эше кузгатылган. Тикшерү дәвам итә, дип белдерә “Әлмәт таңнары” басмасы.