Бангладештан килгән самолет Мьянмада һәлакәткә очраган

Әлегә зыян күрүчеләр турында хәбәр юк.

(Казан, 8 май, «Татар-информ»). Бангладешның Biman авиакомпаниясе самолеты Мьянма аэропортында һәлакәткә очраган. Бу хакта Myanmar Times басмасына сылтама белән РИА Новости хәбәр итә.

Синьхуа агентлыгы мәгълүматлары буенча, самолет Янгона Халыкара аэропортында очу полосасыннан чыккан һәм өч өлешкә җимерелгән. Әлегә зыян күрүчеләр турында хәбәр юк.

Хәзер аэропорт ябылган. Daily Star басмасы хәбәре буенча бортта 33 пассажир булган.

Компания вәкиле Шакил Мерадж (Shakil Meraj) белдергәнчә, һава шартлары начар булу сәбәпле, самолет аэропортка төшеп утыру полосасыннан чыккан.