Әлмәттә автокабызгычтан машинага ут капкан - фото

Машина хуҗасы аны җылытырга теләгән булган.
(Казан, 7 ноябрь, «Татар-информ»). Әлмәттә бүген иртән кинәт машинага ут капты, дип хәбәр итәләр социаль челтәр кулланучылары.Әлеге хәл шәһәрнең беренче микрорайонында булган. Автомобиль хуҗасы машинаны җылыту өчен автокабызгыч кулланган һәм шул вакытта ул янып киткән. Машина хуҗасына якында булган кешеләр ярдәмгә килгән. Зыян күрүчеләр турында мәгълүмат аныклана.