Казанда төзелеш мәйданчыгында бер эшчене ток сугып үтергән

Әлеге факт нигезендә «Төзелеш һәм башка эшләр башкарган вакытта куркынычсызлык кагыйдәләрен бозу» маддәсе буенча җинаять эше кузгатылган.

(Казан, 6 август, «Татар-информ», Полина Шевчук). Казанда төзелеш мәйданчыгында бер эшчене ток сугып үтергән. Россия Тикшерү комитетының ТР буенча идарәсе җитәкчесенең өлкән ярдәмчесе Андрей Шептицкий «Татар-информ» агентлыгына шул хакта хәбәр итте.

Фаҗига кичә Рахлин урамында төзелә торган балалар бакчасы территориясендә булган.

Тикшерүчеләр фаразлавынча, полипропилен торбаларны эретеп ябыштырган вакытта 28 яшьлек эшчене ток суккан. Ир-атны коткарып кала алмаганнар – ул шунда ук җан биргән.

Әлеге факт нигезендә «Төзелеш һәм башка эшләр башкарган вакытта куркынычсызлык кагыйдәләрен бозу» маддәсе буенча җинаять эше кузгатылган.

Хәзер тикшерүчеләр алдында фаҗиганең барлык нечкәлекләрен ачыклау бурычы тора.