Башкортстанда бер хатын машинасының тәрәзәләрен балта белән ваткан

Бу вакытта машина салонында бала булган.

(Казан, 6 март, «Татар-информ»). Башкортстанда бер хатын-кыз үз машинасының тәрәзәләрен балта белән ваткан, дип хәбәр итә РИА Новости агентлыгы.

Гадәттән тыш хәл Башкортстанның Стәрлетамак шәһәрендә булган. ЮХИДИ инспекторлары документларын тикшерү өчен, автоледины туктаткан. Әмма машина йөртү таныклыгы һәм техпаспорт күрсәтәсе урыныга, ханым балта белән машинасының тәрәзәләрен ватарга керешкән.

Бу хәлне үз күзләре белән күрүчеләр социаль челтәрләрдә хәбәр иткәнчә, «Дэу» автомобилендә нәни пассажир да булган.

Берничә минуттан соң, инспекторлар хатын-кызны тынычландырып, патруль автомобиленә утырткан.