Әлмәттә битлек режимнарын үтәүне тикшерү буенча рейдлар башланды

Күп кенә әлмәтлеләр, полиция хезмәткәрләре формасын ерактан күреп, битлек кияргә өлгергән.

(Казан, 5 октябрь, «Татар-информ»). Халыкның сәламәтлеген саклау һәм коронавирус эпидемиясе таралуны булдырмау максатыннан, хакимият әлмәтлеләрне җәмәгать урыннарында саклану чараларын куллануның мөһимлеге турында искә төшерергә карар кылды. Бу хакта «Знамя труда» газетасы яза.

Россия Эчке эшләр министрлыгының  Әлмәт районы буенча хезмәткәрләре һәм шәһәрнең зональ торак инспекциясе, район башкарма комитетының сәүдә бүлеге, Роспотребнадзор һәм Экология һәм табигый байлыклар министрлыгы вәкилләре сәүдә нокталары һәм җәмәгать транспорты, шул исәптән вахта автобуслары кагыйдәләрен үтәүне тикшерделәр.

Күп кенә әлмәтлеләр, полиция хезмәткәрләре формасын ерактан күреп, битлек кияргә өлгергән. Битлек кимәгән кешеләр исә кисәтүләргә һәм беркетмә төзүне тыныч кабул иткән. Күпчелек гражданнар, гадәттә, үзләре белән саклау чараларын йөртүен, тик нәкъ менә бүген өйләрендә оныттык дип акланган.

Хокук бозучыларга карата административ хокук бозу турында беркетмәләр төзелде, алар 1 меңнән 3 мең сумга кадәр штраф салу мәсьәләсен хәл итү өчен судка тапшырылачак.

Кабатлап административ хокук бозучы гражданнарга - 15-50 мең сум, вазифаи затларга - 300 меңнән 500 мең сумга кадәр, юридик затларга 500 меңнән алып 1 млн сумга кадәр штраф салынуга сәбәп була.