Мамадыш районында юл һәлакәтендә велосипедчы үлә

Җиңел машина йөртүче 59 яшьлек велосипедчыны бәрдергән.

(Казан, 3 октябрь, "Татар-информ"). Мамадыш районында җиңел машина йөртүче велосипедчыны бәрдергән. Велосипедчы үлгән. Бу хакта "Татар-информ"га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Һәлакәт Совхоз бистәсенендә, төгәлрәге Каюм Насыйри урамының 10 йорты каршында була.

Машина йөртүче тизлекне арттыру сәбәпле, велосипедчыны бәрдергән.

Юл һәлакәтеннән соң велосипедчы ашыгыч ярдәм машинасында үлә.