Алабуга районында печән тюклары яна

Янгын сүндерүчеләр утка каршы көрәшә, авыл халкы терлек азыгын саклап калырга омтыла.

(Алабуга, 2 ноябрь, «Татар-информ», Гөлнара Салихова). Бу минутларда Алабуга янгын сүндерүчеләре Колосовка авылында «кызыл әтәч»кә каршы көрәшә.

Биредә «Колос» хуҗалыгы тарафыннан терлекләргә ашату өчен әзерләнгән печән һәм салам тюклары яна. Янгын сүндерүчеләр «кызыл әтәч»кә каршы көрәшкән арада, авыл халкы терлек азыгын саклап калырга омтыла. Янгынның ни сәбәпле килеп чыгуы ачыклана.