Казанның Вахитов районында биш катлы йорт яна

Йортта яшәүче барлык кешене урамга чыгарганнар.

(Казан, 2 август, «Татар-информ»). Казанның Вахитов районында биш катлы йорт яна. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

Ут Халев урамында урнашкан күпкатлы йортның бишенче катындагы фатирда чыккан. Янгын сүндерүчеләр йортта яшәүче барлык кешене урамга чыгарган. Ут бинаның түбәсенә күчәргә мөмкин.

Урында янгын сүндерүчеләр эшли.

Янгынның сәбәбе һәм зыян күрүчеләр саны ачыклана.