Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Алабугада коронавирус белән авыручыларны кабул итү өчен госпиталь ачу кичектерелде
Бу госпитальдә җиңелчә авыручылар ятарга тиеш иде.
(Алабуга, 30 май, «Татар-информ», «Алабуга нуры»). Алабугада коронавирус инфекциясе белән авыручыларны кабул итү өчен госпиталь ачу кичектерелде. Мондый госпитальләр күп муниципалитетларда ачыла, Алабуга да алар арасына керә. Бу турыда район басмасы хәбәр итә.
Татарстан Сәламәтлек саклау министрлыгы карары буенча Алабугада коронавирус инфекциясе белән авыручыларны кабул итү өчен госпиталь эшли башларга тиеш иде. Әмма аны ачу кичектерелде.
«Һәрхәлдә, әзерлек эшләре алып барылачак. Госпитальне ачкач, анда авыруның җиңелчә формасы булган пациентлар ятарга тиеш иде. Чаллыдагы хастаханә дә үз эшен үти. Барысы да алга таба нинди вазгыять булачагына, шулай ук безнең изоляция һәм битлек-перчатка режимын үтәвебезгә бәйле булачак», — диде район башлыгы урынбасары Зөлфия Сөнгатуллина.
Чәршәмбе көнне Алабугада изоляцияне бозуның ике очрагы ачыкланды. Кешеләр изоляция режимы бетерелмәгән килеш йортларыннан чыккан.
Кызыклы яңалыкларны күзәтеп бару өчен Телеграм-каналга язылыгыз