Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Эксперт: Covid-19ның яңа штаммы авырулар санының яңа дулкынына китерергә мөмкин
«Омикрон» яңа штаммы белән бәйле глобаль куркыныч бик югары дип бәяләнә.
(Казан, 29 ноябрь, «Татар-информ»). Коронавирусның Көньяк Африка Республикасында ачыкланган яңа омикрон-штаммы авыруларның бөтен дөнья буенча таралуына китерергә мөмкин. Бу хакта Бөтендөнья сәламәтлек саклау оешмасында бастырылган инфекция таралуга каршы көрәш өчен өстенлекле чаралар исемлегендә әйтелә.
«Әлеге характеристикалардан күренгәнчә, киләчәктә Covid-19 авыруларының яңа дулкыны булырга һәм җитди нәтиҗәләргә китерергә мөмкин. „Омикрон“ яңа штаммы белән бәйле глобаль куркыныч бик югары дип бәяләнә», — диелә документта.
Оешмада шулай ук коронавирусның яңа вариантында күп санлы мутацияләр булуына игътибар иткәннәр. Бу артык куркыныч, шуңа күрә бөтен илләргә вакцинация темпларын тизләтергә кирәк.
«Халыкны, бигрәк тә беренче чиратта аңа ихтыҗ булганнарны, шулай ук вакциналаштырылмаган яки тулысынча вакцина алмаган кешеләрне вакциналаштыру темпларын мөмкин кадәр тизрәк арттырырга кирәк», — дип билгеләп үтелә бастырылган документта.
Бөтендөнья сәламәтлек саклау оешмасы экспертлары фикеренчә, яңа штамм вакцинацияләнгән кешеләрне дә зарарлый ала, ләкин күпкә азрак дәрәҗәдә. Өстәвенә, вакцинация авыруның авыр агымын булдырмаска ярдәм итәчәк.
29 ноябрьдә Женевада Бөтендөнья сәламәтлек саклау оешмасының махсус сессиясе узачак, анда килешү, конвенция яки башка документ төзү турында фикер алышачаклар.
Кызыклы яңалыкларны күзәтеп бару өчен Телеграм-каналга язылыгыз