Марат Садыйков: Татарстанда ковид белән авыручылар өчен 7,5 мең ятак урын бар

Бу урыннарның 9,5 проценты буш.

Скопировать ссылку

(Казан, 28 октябрь, «Татар-информ», Гөлнар Гарифуллина). Татарстанда коронавирус белән авыручыларны дәвалау өчен хастаханәләрдә 7,5 мең ятак урын исәпләнә.

Бу хакта Татарстанның сәламәтлек саклау министры Марат Садыйков «Татар-информ» агентлыгында матбугат конференциясендә әйтте. Аның сүзләренчә, бу урыннарның 9,5 проценты буш.

«Татарстанда коронавирус белән бәйле вазгыять катлаулы һәм киеренке. Инфекциягә каршы көрәш өчен 17 меңнән артык табиб һәм медицина хезмәткәре, шул исәптән, ашыгыч медицина ярдәме машиналары йөртүчеләре җәлеп ителгән», — диде министр.

Марат Садыйков «үлем белән идарә итү өчен башта авыру белән идарә итәргә кирәк» леген әйтте. «Ике юлы гына бар: эпидпроцессны туктау өчен чикләү чаралары һәм икенчесе — вакцинация. Башка юлы юк. Бөек Британия, Германиядә ковид авыруы артканда, вакытында вакцинация үткәргәч, үлем кими башлаган», — дип чит илләрне мисалга китерде.

Сәхифәләр

Марат Садыйков: Татарстанда ковид белән авыручылар өчен 7,5 мең ятак урын бар