Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Биолог коронавируска каршы вакциналарның төп җитешсезлеген атады
Әгәр кеше кабаттан вакцина ясатмый икән, беренче прививканың бөтен нәтиҗәсе юкка чыга.
(Казан, 27 ноябрь, «Татар-информ»). Коронавируска каршы вакцинаны ике этапта ясау аның җитешсезлеге булып тора. Ә беренче һәм икенче этаплар арасында кеше вакцина ясаудан баш тартырга да мөмкин. Бу хакта Джордж Мейсон Университетының Системалы биология профессоры Анча Барановага сылтама белән РИА Новости яза.
Әгәр кеше икенче тапкыр прививка ясатмый икән, ул аларның бөтен нәтиҗәсен юкка чыгара, диде биолог.
Аның сүзләренчә, кешеләр кабаттан вакцина ясатырга кирәклеген онытырга мөмкин. «Бу вакциналарның җитешсезлеге», — диде Баранова.
Россиядә һәм дөньяда коронавируска каршы вакцина 11 августта теркәлде. «Спутник V» препаратын Гамалея исемендәге үзәк белгечләре эшләде.
Икенче вакцинаны теркәү турында 14 октябрьдә билгеле булды. «ЭпиВакКорона» дип аталган вакцинаны әзерләү белән «Вектор» фәнни үзәге шөгыльләнде.
Чумаков исемендәге Иммунобиологик препаратлар әзерләү һәм тикшеренү федераль фәнни үзәге ясаган коронавируска каршы тагын бер вакцина декабрьдә теркәлергә мөмкин.
Алдарак «Татар-информ» Татарстанда коронавирус инфекциясенә каршы вакцинаны сынау өчен кешеләрне җентекләп сайлаячаклар дип язган иде.
Кызыклы яңалыкларны күзәтеп бару өчен Телеграм-каналга язылыгыз