news_header_top_970_100
16+
news_header_bot_970_100

Эксперт язын коронавирус инфекциясе йоктыручылар саны ике тапкыр кимиячәген белдерде

Вазгыять тиздән яхшы якка үзгәрергә мөмкин, әмма вакцинация вирус таралганга караганда акрынрак бара.

(Казан, 26 гыйнвар, «Татар-информ»). Яз урталарына коронавирус йоктыручылар саны һәм үлем-китем очраклары ике тапкыр кимергә мөмкин.

Бу хакта РИА Новости агентлыгы Икътисади тикшеренүләр үзәгенең статистика һәм модельләштерү буенча эксперты Агаси Тавадянга сылтама белән хәбәр итә.

«Яз урталарында коронавирус йоктыручылар саны, шулай ук үлем-китем очраклары азаер, күрсәткечләр ике тапкыр кимер дип көтелә. Әмма алга таба, язын гадәти күренеш буларак, инфекция эләктергән кешеләр саны тагын артырга мөмкин», - дип белдерде Тавадян.

Аның сүзләренчә, вазгыятьнең тиздән яхшыруы ихтимал, әмма вакцинация вирус таралганга караганда акрынрак бара. Гомуми вакцинация инфекциянең яңадан таралуын булдырмас өчен кирәк.

autoscroll_news_right_240_400_1
autoscroll_news_right_240_400_2
news_bot_970_100