ДРКБ Татарстан Президенты ярдәме белән пациентларны Төркиягә тернәкләндерүгә җибәрде

Аз керемле гаиләләрдән булган балаларны реабилитацияләү программасын Татарстан Хөкүмәте финанслый.

(Казан, 25 февраль, «Татар-информ», Валерия Белова). Республика балалар клиник хастаханәсе Татарстан Президенты Рөстәм Миңнеханов ярдәме белән церебраль паралич диагнозы куелган кечкенә пациентларның өченче төркемен Төркиягә җибәрде. Бу хакта Балалар республика клиник хастаханәсе баш табибы урынбасары Алла Гомәрова сөйләде.

«Нобель» физиотерапия һәм тернәкләндерү үзәгендә тернәкләндерүгә церебраль параличлы балалар һәм имгәнү, инсульт һәм башка авырулар аркасында терәк-хәрәкәт функциясе бозылган пациентлар җибәрелә. Тернәкләндерү программасына уңай җавап булачак яхшы потенциаллы балаларны җибәрәбез. Төрле күрсәткечләр буенча Төркиягә җибәрә алмаган балаларны Балалар Республика клиник хастаханәсе базасында тернәкләндерәбез», — дип аңлатты клиниканың баш табибы урынбасары.

Тернәкләндерү буенча социаль проект беренче чиратта аз керемле гаиләдә тәрбияләнүче балаларга исәпләнгән. Нәни пациентлар төркемен җыйганда табиблар комиссиясендә фикер алышалар.