Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Камада дүртенче флюорография кабинетын августта ачарга планлаштыралар
Район хастаханәсендә заманча җиһазлар урнаштыралар.
(Казан, 24 июль, «Татар-информ»). Түбән Кама хастаханәсендә Татарстан сәламәтлек саклауның беренчел звеносын модернизацияләү программасы кысаларында яңа флюорограф урнаштырдылар.
Заманча диагностик аппарат инде озак еллар хезмәт иткән искесенә менә дигән алмаш булды. Флюорографны Менделеев урамы, 46нчы йорт адресы буенча урнашкан 1нче номерлы хастаханәдә урнаштырдылар. Монтаж эшләре төгәлләнгән инде. Хәзер барлык кирәкле техник һәм санитар-эпидемиологик документларны рәсмиләштерү эшләре алып барыла. Бу турыда Түбән Кама муниципаль районы рәсми сайтында хәбәр ителә.
Тиздән аппарат тулысынча файдалануга тапшырылачак һәм пациентлар тикшерү уза алачак. Бүгенге көндә Түбән Кама районы күппрофильле хастаханәләрендә өч флюорография кабинеты эшли. Дүртенчесен агымдагы елның августында ачу планлаштырыла.
Шулай ук якын арада Түбән Кама район үзәк күппрофильле хастаханәсенә яңа маммография аппараты кайтачак. Аның ачылуы турында белгечләр өстәмә хәбәр итәчәк.
Кызыклы яңалыкларны күзәтеп бару өчен Телеграм-каналга язылыгыз